Zaharkitutako nabigatzaile bat erabiltzen ari zara
In order to deliver the greatest experience to our visitors we use cutting edge web development techniques that require a modern browser. To view this page please use Google Chrome, Mozilla Firefox or Internet Explorer 11 or greater
Argitaratua: 5 Azaroa, 2012
Azaroaren 13an, astelehenean, Euskadiko Kutxak eta Kreditu Kooperatiben Batasun Nazionalak (UNACC) antolaturiko “ETE-en internazionalizaziorantz” (gaztelaniaz) jardunaldia hartuko du Bilboko Euskalduna Jauregiak. Izenak berak adierazten duen bezalaxe, jardunaldi tekniko horren helburua gure inguruko enpresa txiki eta ertainen internazionalizazio-prozesuak sustatzea da, lehiakortasuna hobetzeko eta kalitatezko enpleguari eusten laguntzeko beharrezko irabaziak lortze aldera.
Irakurri gehiago
Argitaratua: 18 Iraila, 2012
Beste enpresa batzuen aldean, finantza-erakundeok ez dugu ia hondakinik sortzen (gure zeregina geroz eta birtualagoa da eta diru fisiko gutxi erabiltzen dugu). Baina horrek ez du esan nahi ingurumen-inpakturik eragiten ez dugunik: edozein giza jardueratan bezala, egiten duguna kaltegarria izan daiteke, arduraz jokatu ezean. Horretaz gain, ingurumenerako onuragarriak izan daitezkeen ekimenak bultzatzeko aukera dugu. Horregatik, ingurumena babestea da Euskadiko Kutxaren konpromisoetako bat.
Irakurri gehiago
Argitaratua: 7 Iraila, 2012
Groucho Marxek zioenez, “inteligentzia militarra” hitzak elkarren kontrakoak dira, eta “finantza etikoak” terminoaz ere iritzi berbera dute askok, finantza eta etiko hitzek antagonikoak baitirudite, egunero argitaratzen diren albisteen arabera. Usteak uste, etika eta portaera arduratsua Euskadiko Kutxaren ADNan daude hasieratik. Bada beste modu bat finantzekin negozioak egiteko.
Irakurri gehiago
Argitaratua: 30 Maiatza, 2012
Lanpostu bakoitzak bere ezaugarriak ditu. Lan bakoitza egiteko ezagutza jakin batzuk izan behar dira, eskarmentua eduki behar da, eta ardura batzuk dakartza. Beraz, normala dirudi ordain ekonomikoa ere ildo horretan finkatzea, eta zeregin jakin batzuk burutzen dituzten pertsonak saritzea. Baina zalantza sortzen da: zer nolako soldata-tartea izan behar du erakunde batek? Euskadiko Kutxan (eta MONDRAGON Korporazio osoan) sorreratik egin diogu galdera hori geure buruari. Eta oso bestelako erantzuna ondorioztatu dugu munduko gainontzeko konpainiekin alderatuta. Azken finean, soldatak finkatzerako orduan ere, bada beste modu bat gauzak egiteko.
Irakurri gehiago
Argitaratua: 26 Apirila, 2012
Euskadiko Kutxa munduko kooperatiba-talde handienetako bateko kidea da: MONDRAGON Korporazioa. 80.000 pertsonak baino gehiagok egiten dute lan bertan, eta ia munduko merkatu guztietan hartzen du parte. MONDRAGON Korporazioak hainbat eta hainbat sektoretan ari diren ehunka enpresa biltzen ditu. Gainera, irakaskuntza-zentro asko ere baditu, haur hezkuntzatik hasi eta bere unibertsitateraino: 9.000 ikasle baino gehiago ditu guztira. MONDRAGONek gauzak egiteko beste modu bat badela erakusten du egunez egun. Baina, zer eginkizun du Euskadiko Kutxak korporazio horretan?
Irakurri gehiago
Argitaratua: 21 Martxoa, 2012
Nola sortu enpresa bat eta nola lortu negozio ona izatea? Zein laguntza eskaintzen dute Gaztempresak eta Euskadiko Kutxak? Orrazkera perfektuak egitea ez da nahikoa ile-apaindegi batek arrakasta izateko. Sukaldean bikaina izanagatik ere ezin da bermatu jatetxea negozio ona izango denik. Ekintzaileen talentua eta saiatzeko, dena emateko eta lanerako gaitasuna ezinbestekoak dira edozein enpresak aurrera egiteko. Baina tamalez, hori guztia ez da nahikoa. Horregatik, Euskadiko Kutxak Gaztempresa sortu zuen duela bi hamarkada, finantzaketa bila entitatera datozen ekintzaileei dirua baino zerbait gehiago eskaintzeko asmoarekin: doako aholkularitza eta prestakuntza edozein negozio modu profesionalean kudeatu ahal izateko.
Irakurri gehiago
Argitaratua: 23 Otsaila, 2012
Euskadiko Kutxaren asmoa aberastasuna sortzea da; bere kudeaketan parte hartzen duten pertsona nahiz erakundeentzat, bai eta bera sortu eta parte den gizartearentzat ere. Helburu hori ez da hitz hutsa, konpromiso publiko eta zehatzetan gauzatzen baita. Hala, eratu zenetik hona mende erdi baino gehiago iragan dela, jakin nahi duzu zertara bideratu dituen urtero bere etekinak?
Irakurri gehiago
Argitaratua: 19 Urtarrila, 2012
Beharbada, entzungo zenuten noizbait Euskadiko Kutxa kreditu-kooperatiba dela. Munduan kooperatiba-talderik handiena den MONDRAGON Korporazioko kidea dela ere badakizue agian. Baina ba al dakizue zertan bereizten diren kreditu-kooperatibak eta gainerako banku eta kutxak? Eta ba al dakizue horrek nolako eragina duen zuengan, bezeroak zareten aldetik?
Irakurri gehiago
Argitaratua: 21 Azaroa, 2011
Egungo gizartean, finantza-erakundeekin harremanak izatea ezinbestekoa da. Ezinbestean horiekin harremanetan gaude, horien bitartez egiten ditugun eragiketak direla medio, hala nola nomina-helbideratzeak edo mailegu-eskatzeak. Baina, ezagutzen ditugu zer motatako finantza-erakundeak dauden eta horien arteko aldeak? Eta garrantzitsuena, bezero garen aldetik, badakigu gure interesen arabera zer aukera den egokiena guretzat? Informazioz gainezka eta aukera-sorta handia dagoen gizarte honetan, kasu gehienetan, galduta sentitzen gara horrelako galderen aurrean.
Irakurri gehiago
Argitaratua: 7 Ekaina, 2011
Ekainaren 1ean, asteazkenez, Manuel Elkin Patarroyok Euskadiko Kutxaren egoitza nagusia bisitatu zuen, 2011ko Elkartasunaren Vianako Printzea Saria jaso baitu. Saria, hain zuzen, munduko tropikoko eskualdeetako biztanleei eragiten dizkieten gaixotasunentzako sendabideak aurkitzeko egindako lanagatik eman diote. Asteartean, hilak 30, jaso zuen saria eta asteazkean Arrasatera gerturatu zen, Mondragon taldearen lana ikustera. Mondragon Korporazioko presidente José María Aldekoak eta Euskadiko Kutxako presidente Txomin Garciak lagunduta, taldearen filosofia eta balioak ezagutu zituen.
Irakurri gehiago