Zaharkitutako nabigatzaile bat erabiltzen ari zara

In order to deliver the greatest experience to our visitors we use cutting edge web development techniques that require a modern browser. To view this page please use Google Chrome, Mozilla Firefox or Internet Explorer 11 or greater

logo-up logo-up-mobile
Sarrera Online banka

Zure lagunei opari egokiak egiteko eta… aurrezteko 5 gomendio

Zure lagunei opari egokiak egiteko eta… aurrezteko 5 gomendio

Lotura positiboak eta osasuntsuak eskaintzen dizkiguten lagunek psikikoki egonkor mantentzen gaituzte, identitatearen zentzu bat mantentzen laguntzen digute, eta alaitasuna, laguntza eta ikasteko, ongi pasatzeko eta pertsona gisa hazteko aukera ematen digute.

Munduan oso gauza gutxi daude lagun onak mantentzea bezalakorik, eta, Emersonek zioen moduan, modu bakar bat dago horretarako: lagun ona izatea.

Horregatik, gaur 5 gomendio ditugu zuretzat. Zure lagunekin adeitsuagoa izaten lagunduko dizutela uste dugu. Eta, bide batez, aurrezten ere lagunduko dizute beharbada. Ezinezkoa? Hala ez dela konbentzitzea espero dugu.

Egin ditzakezun oparien online zerrenda bat

Behin baino gehiagotan gertatuko zitzaizun seguruenik. Lagun baten urtebetetzea iritsi da eta ez duzu gogoratzen zer erosi nahi zenion. Zer du gogoko? Ez al zuen esan zerbait nahi zuela? Elkarrizketa baten erdian opari on bat bururatu zitzaizun, baina orain amorratuta zaude gogoratzen ez duzulako? Hurrengoan gauza bera ez gertatzeko trikimailu bat dugu: idatzi. Ahal izanez gero, online kontsulta dezakezun leku batean, Google Drive artxibo batean edo zure mugikorreko oharretan. Ezagutzen dituzun pertsonei egin diezaiekezun oparien zerrenda bat egiten baduzu, ez duzu zalantzarik izango oparia aukeratzeko orduan. Askoz ere errazagoa izango da egun berezi horretarako opari egokia aukeratzea eta ez duzu azken momentuan bulkadaz ezer erosi beharrik izango.

Ikusten baduzu, erosi…

Hona hemen seguruenik ezaguna egingo zaizun beste egoera bat: egun bereziren bat dator (Gabonak edo urtebetetze bat) eta damu zara ikusi zenuenean horrenbeste gustatu zitzaizun hura ez erosteagatik. Gainera, ez zen garestia, baina oraindik asko falta zela eta aurrerago erosiko zenuela pentsatu zenuen. Gomendio bat: norbaiti oparitzeko zerbait ikusten baduzu, ideia ona izan daiteke erosi eta gordetzea, oparitzeko momentua iritsi arte. Onurak? Ez duzu azken momentuko estresik izango; eta ez duzu gastatu beharrik izango gehiegi gustatzen ez zaizun eta, gainera, garestia izan daitekeen zerbaitetan. Norbaiti berariaz pentsatutako opari polit bat egiten badiozu, zuretzat garrantzitsua dela erakutsiko diozu.

… Eta gorde

Egia da: etxean ez dugu lekurik izaten sobera, baina ez duzu leku askorik behar izango guk esaten dizugun horretarako. Nahikoa da kaxoi handi batean edo armairu batean txoko txiki bat izatea, urtean zehar erosi dituzun opari horiek gordetzeko. Ziurta zaitez opari-paper polit bat duzula eta ez duzu azken orduko erosketez arduratu beharrik izango. Nahi izanez gero, gustuko duzun eta prezio onean ikusi duzun objekturen bat ere gorde dezakezu, espero ez zenuen bisitari bati oparitzeko balio baitezake, adibidez. Gogoratu: denborarekin antolatu eta zuhurtziaz pentsatuz gero, dirua aurrez dezakezu.

Argazkia gustatu zaizu? Inprimatu

Beste pertsonari maite dugula, berarengan pentsatzen dugula eta bere ongizateak arduratzen gaituela erakusten dioten opariak dira guztietan onenak. Horregatik, hona hemen proposamen bat: lagun batekin edo lagun talde batekin zaudenean, telefonoa edo argazki-kamera erabiliz argazki bat ateratzen baduzu eta argazkia gogoko baduzu, inprimatu. Jarri marko polit bat, eskaintza batekin, beharbada, eta oparitu maite duzun norbaiti urtebetetzean edo beste zerbait ospatzen duenean. Gaur egun, mugikorren kamerekin inoiz baino argazki gehiago ateratzen ditugu, baina oso gutxitan inprimatzen eta gordetzen ditugu. Paradoxikoa badirudi ere, argazkiak egin daitezkeen oparirik merkeenetakoak dira, eta gaur egun inoiz baino baliotsuagoak.

Eguneratu zure online egutegia

Trikimailu horiek guztiek funtziona dezaten, bada zure lagunek asko eskertuko duten aldez aurretiko urrats bat. Idatzi horien urtebetetzeak. Baita beraientzat esanguratsuak izan daitezkeela uste duzun datak ere. Idatzi zure mugikorrean, iCalen, Googlen Calendarren edo antolatzeko erabiltzen duzun beste edozein sistematan. Horrela, asteko lanak prestatzen dituzunean, norbaitentzat egun bereziren bat gerturatzen ari den ikusiko duzu. Zoriondu edo bidal iezaiozu mezu bat, pertsonala bada hobe, dei bat eginez edo mezu pertsonalizatu bat bidaliz. Gogoratu, hein handi batean, Facebook horregatik egin zela arrakastatsu, gure ezagunek urtebetetzeak noiz egiten dituzten gogorarazten digulako, hain zuzen ere. Kopiatu sistema bera zure mugikorrean edo ordenagailuan.

Newsletter-era harpidetu zaitez

* Derrigorrezko eremua

Oinarrizko informazioa Datuen babesaen inguruan
Arduraduna
Lan Kide Aurrezkia Kred.-Koop protecciondatos@laboralkutxa.com
Helburua
Blogeko azken argitalpenen berri aldizka ematea
Legitimazioa
Baimena "harpidetu" sakatzean
Hartzailea
Newsleterra bidaltzeko, posta elektronikoaren bidezko jakinarazpenen gestio automatizatua egiten duen zerbitzu bat erabiltzen dugu (MailChimp), AEBren eta EBren arteko "Privaty Shield" hitzarmenari atxikitako konpainia estatubatuar batek ematen duena. Haren pribatutasun-politika kontsulta dezakezu hemen.
Eskubideak
Zure datu pertsonalak ikusteko, zuzentzeko, ezerezteko eta beste eskubide batzuk erabili ahal izango dituzu, informazioa gehigarrian azaltzen den moduan
Informazio osagarria
Gure Datuak Babesteko Politikan jaso dezakezu informazio zehatza eta osagarria. Guztia www.laboralkutxa.com webgunean

 

Iruzkin bat utzi

Utzi iruzkina

Zure email helbidea ez da argitaratuko. Sartu beharreko datuak markatuta daude *


Harpidetu

Newsletter-era harpidetu zaitez

* Derrigorrezko eremua

Oinarrizko informazioa Datuen babesaen inguruan
Arduraduna
Lan Kide Aurrezkia Kred.-Koop protecciondatos@laboralkutxa.com
Helburua
Blogeko azken argitalpenen berri aldizka ematea
Legitimazioa
Baimena "harpidetu" sakatzean
Hartzailea
Newsleterra bidaltzeko, posta elektronikoaren bidezko jakinarazpenen gestio automatizatua egiten duen zerbitzu bat erabiltzen dugu (MailChimp), AEBren eta EBren arteko "Privaty Shield" hitzarmenari atxikitako konpainia estatubatuar batek ematen duena. Haren pribatutasun-politika kontsulta dezakezu hemen.
Eskubideak
Zure datu pertsonalak ikusteko, zuzentzeko, ezerezteko eta beste eskubide batzuk erabili ahal izango dituzu, informazioa gehigarrian azaltzen den moduan
Informazio osagarria
Gure Datuak Babesteko Politikan jaso dezakezu informazio zehatza eta osagarria. Guztia www.laboralkutxa.com webgunean

 

Cookie propioak eta hirugrarrenenak erabiltzen ditugu zure irisgarritasuna hobetzeko. Zure nabigazioa pertsonalizatu eta aztertzeko eta iragarkiak erakusteko.
Webgunean nabigatzen jarraitzen baduzu, onartu egiten dituzula joko dugu.
Informazio gehiago Cookien gaineko politikan.